ವಿವ ನ್ಯೂಸ್ ಕನ್ನಡ - ಇದು ಸುದ್ದಿಗಳ ಡಬ್ಬಿ

ಸೌದಿ ಅರೇಬಿಯಾದಿಂದ ಕ್ರಾಂತಿಕಾರಿ ನಿರ್ಧಾರ, 73 ವರ್ಷಗಳ ಮದ್ಯ ನಿಷೇಧ ರದ್ದು! ಕಾರಣ ಏನು?

ಹೈಲೈಟ್ಸ್‌: 2026ರಿಂದ ಮದ್ಯದ ಮೇಲಿನ ನಿಷೇಧವನ್ನು ಭಾಗಶಃ ತೆಗೆದುಹಾಕಲು ನಿರ್ಧರಿಸಿದೆ ಕಟ್ಟರ್ ಇಸ್ಲಾಮಿಕ್ ರಾಷ್ಟ್ರ ಸೌದಿ ಅರೇಬಿಯಾ 2034ರ ಫಿಫಾ ವಿಶ್ವಕಪ್‌ಗೆ ಆತಿಥ್ಯ ವಹಿಸಲಿರುವ ಹಿನ್ನೆಲೆಯಲ್ಲಿ ಪ್ರವಾಸಿಗರನ್ನು ಸೆಳೆಯಲು ಸೌದಿ ಅರೇಬಿಯಾದಿಂದ ಈ ಕ್ರಮ ವಿಷನ್ 2030ರ ಭಾಗವಾಗಿ, ಆಯ್ದ ಹೋಟೆಲ್‌ಗಳು ಮತ್ತು ರೆಸಾರ್ಟ್‌ಗಳಲ್ಲಿ ಮದ್ಯ ಮಾರಾಟಕ್ಕೆ ಅನುಮತಿ ಈ ಮೂಲಕ 73 ವರ್ಷಗಳ ನಿಷೇಧವನ್ನು ಸಡಿಲಿಸಲು ತೀರ್ಮಾನಿಸಿದೆ ಮೊಹಮ್ಮದ್‌ ಬಿನ್‌ ಸಲ್ಮಾನ್‌ ನೇತೃತ್ವದ ಸೌದಿ ಅರೇಬಿಯಾ

ಕಟ್ಟರ್ ಇಸ್ಲಾಮಿಕ್ ರಾಷ್ಟ್ರ ಸೌದಿ ಅರೇಬಿಯಾ 2026 ರಿಂದ ಮದ್ಯದ ಮೇಲಿನ ನಿಷೇಧವನ್ನು ಭಾಗಶಃ ತೆಗೆದುಹಾಕಲು ನಿರ್ಧರಿಸಿದೆ. 2034ರ ಫಿಫಾ ವಿಶ್ವಕಪ್‌ಗೆ ಆತಿಥ್ಯ ವಹಿಸಲಿರುವ ಹಿನ್ನೆಲೆಯಲ್ಲಿ ಪ್ರವಾಸಿಗರನ್ನು ಸೆಳೆಯಲು ಈ ಕ್ರಮ ಕೈಗೊಳ್ಳಲಾಗಿದೆ. ವಿಷನ್ 2030ರ ಭಾಗವಾಗಿ, ಆಯ್ದ ಹೋಟೆಲ್‌ಗಳು ಮತ್ತು ರೆಸಾರ್ಟ್‌ಗಳಲ್ಲಿ ಮದ್ಯ ಮಾರಾಟಕ್ಕೆ ಅನುಮತಿ ನೀಡುವ ಮೂಲಕ 73 ವರ್ಷಗಳ ನಿಷೇಧವನ್ನು ಸಡಿಲಿಸಲು ತೀರ್ಮಾನಿಸಿದೆ.

2026ರಿಂದಲೇ ಇದು ಆರಂಭವಾಗಲಿದೆ. 2034ರ ಫಿಫಾ ವಿಶ್ವಕಪ್‌ಗೆ ಸೌದಿ ಅರೇಬಿಯಾ ಆತಿಥ್ಯ ವಹಿಸಲಿದ್ದು, ಇದಕ್ಕೂ ಮುನ್ನ ಜಾಗತಿಕ ಪ್ರವಾಸಿಗರನ್ನು ಸೆಳೆಯಲು ಈ ನಿರ್ಧಾರಕ್ಕೆ ಬಂದಿದೆ.

ವಿಷನ್ 2030 ಉಪಕ್ರಮದ ಭಾಗವಾಗಿ ಈ ಬದಲಾವಣೆಗೆ ಸೌದಿ ಅರೇಬಿಯಾ ನಾಂದಿ ಹಾಡುತ್ತಿದ್ದು, ಹೋಟೆಲ್‌ಗಳು, ರೆಸ್ಟೋರೆಂಟ್‌ಗಳು ಮತ್ತು ಕೆಫೆಗಳಂತಹ ಉನ್ನತ ಮಟ್ಟದ ಸ್ಥಳಗಳಲ್ಲಿ ಮದ್ಯ ಮಾರಾಟಕ್ಕೆ ಅನುಮತಿ ನೀಡಲಿದೆ.

ಈ ಮೂಲಕ ಪ್ರಪಂಚದ ಅತ್ಯಂತ ಸಂಪ್ರದಾಯವಾದಿ ದೇಶಗಳಲ್ಲಿ ಒಂದಾದ ಸೌದಿ ಅರೇಬಿಯಾದಲ್ಲಿ 73 ವರ್ಷಗಳ ಮದ್ಯ ನಿಷೇಧಕ್ಕೆ ತೆರೆ ಬೀಳಲಿದೆ. ಅಂತಾರಾಷ್ಟ್ರೀಯ ಕ್ರೀಡಾಕೂಟದ ಆಯೋಜನೆಗೂ ಮುನ್ನ ಸೌದಿ ಪ್ರವಾಸಿ ಸ್ಥಳಗಳಲ್ಲಿ ಮದ್ಯದ ಮೇಲಿನ ನಿರ್ಬಂಧಗಳನ್ನು ಸಡಿಲಗೊಳಿಸಿದೆ.

ವಿಷನ್ 2030 ಕಾರ್ಯಕ್ರಮವು, ಸೌದಿ ಅರೇಬಿಯಾದ ಆರ್ಥಿಕತೆಯನ್ನು ವೈವಿಧ್ಯಗೊಳಿಸುವ, ಅಂತಾರಾಷ್ಟ್ರೀಯ ಹೂಡಿಕೆಯನ್ನು ಆಕರ್ಷಿಸುವ ಮತ್ತು ಎಕ್ಸ್‌ಪೋ 2030 ಹಾಗೂ ಫಿಫಾ ವಿಶ್ವಕಪ್ 2034ರಂತಹ ದೊಡ್ಡ ಕಾರ್ಯಕ್ರಮಗಳಿಗಾಗಿ ದೇಶದ ಪ್ರವಾಸೋದ್ಯಮ ಮೌಲ್ಯವನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ. ಹೊಸ ಕಾನೂನಿನ ಅಡಿಯಲ್ಲಿ ಬಿಯರ್, ವೈನ್ ಮತ್ತು ಸೈಡರ್ ಮಾರಾಟಕ್ಕೆ ಅನುಮತಿ ನೀಡಲಾಗಿದೆ. ಆದರೆ ಸ್ಪಿರಿಟ್ಸ್ ಮತ್ತು ಹಾರ್ಡ್ ಲಿಕ್ಕರ್‌ ಮಾರಾಟಕ್ಕೆ ಅನುಮತಿ ಇರುವುದಿಲ್ಲ ಹಾಗಾಂಥ ಖಾಸಗಿ ಆವರಣಗಳು, ಸಾರ್ವಜನಿಕ ಸ್ಥಳಗಳು ಮತ್ತು ಪರವಾನಗಿ ಇಲ್ಲದ ಆವರಣಗಳಲ್ಲಿ ಮದ್ಯಪಾನ ಮಾಡುವಂತಿಲ್ಲ. ಮನೆಯಲ್ಲಿ ಮದ್ಯ ತಯಾರಿಸುವುದನ್ನೂ ನಿಷೇಧಿಸಲಾಗಿದೆ. ಸಾಂಸ್ಕೃತಿಕ ಮೌಲ್ಯಗಳನ್ನು ರಕ್ಷಿಸಲು, ತರಬೇತಿ ಪಡೆದ ಸಿಬ್ಬಂದಿಯನ್ನು ಹೊಂದಿರುವ ಪರವಾನಗಿ ಪಡೆದ ಆವರಣಗಳಲ್ಲಿ ಮಾತ್ರ ಮದ್ಯ ಮಾರಾಟಕ್ಕೆ ಅನುಮತಿ ನೀಡಲಾಗುವುದು ಎಂದು ಸರ್ಕಾರದ ಮೂಲಗಳು ಹೇಳಿವೆ.