ತುಮಕೂರಿನಲ್ಲಿ ರಾಗಿ ಮಾರಾಟಕ್ಕೆ ನೋಂದಣಿ ಪ್ರಾರಂಭ

ವರದಿಗಾರರು : ಡಾ. ಜ್ಯೋತಿ || ಸ್ಥಳ : ತುಮಕೂರು
ವರದಿ ದಿನಾಂಕ : 06-10-2025

📅 ಅ.1ರಿಂದ ಡಿ.15ರವರೆಗೆ ಕಾಲಾವಕಾಶ – ಖರೀದಿ ಪ್ರಕ್ರಿಯೆ ಜನ.1 ರಿಂದ ಆರಂಭ

ತುಮಕೂರು, ಅ.6: ತುಮಕೂರು ಜಿಲ್ಲೆಯಲ್ಲಿ ಕನಿಷ್ಠ ಬೆಂಬಲ ಬೆಲೆ (MSP) ಯೋಜನೆಯಡಿ ರಾಗಿ ಖರೀದಿಗೆ ರೈತರ ನೋಂದಣಿ ಪ್ರಕ್ರಿಯೆ ಅಕ್ಟೋಬರ್ 1ರಿಂದ ಆರಂಭವಾಗಿದೆ. ಈ ಸಲ ಪ್ರತಿ ಕ್ವಿಂಟಾಲ್‌ಗೆ ₹4,886 ಬೆಂಬಲ ಬೆಲೆ ನಿಗದಿಪಡಿಸಲಾಗಿದೆ. ರೈತರು 2025ರ ಡಿಸೆಂಬರ್ 15ರವರೆಗೆ ನೋಂದಣಿ ಮಾಡಿಸಬಹುದಾಗಿದೆ.

ರಾಗಿ ಖರೀದಿ ಪ್ರಕ್ರಿಯೆ 2026ರ ಜನವರಿ 1ರಿಂದ ಮಾರ್ಚ್ 31ರ ವರೆಗೆ ನಡೆಯಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

📍 ನೋಂದಣಿ ಕೇಂದ್ರಗಳ ವಿವರ (ಒಟ್ಟು 11):

ಚಿಕ್ಕನಾಯಕನಹಳ್ಳಿ – ಹೊಸ ಸರ್ಕಾರಿ ಆಸ್ಪತ್ರೆ ಹಿಂಭಾಗದ ಎಪಿಎಂಸಿ ಗೋದಾಮು

ಹುಳಿಯಾರು ಎಪಿಎಂಸಿ

ಕುಣಿಗಲ್ ಎಪಿಎಂಸಿ (2 ಕೇಂದ್ರಗಳು)

ತಿಪಟೂರು ಎಪಿಎಂಸಿ

ತುರುವೇಕೆರೆ ಎಪಿಎಂಸಿ

ಗುಬ್ಬಿ ಎಪಿಎಂಸಿ

ಮಧುಗಿರಿ ಎಪಿಎಂಸಿ

ಶಿರಾ ಎಪಿಎಂಸಿ

ಕೊರಟಗೆರೆ – ಅಕ್ಕಿರಾಂಪುರ ಪಿಡಿಎಸ್ ಗೋದಾಮು

ತುಮಕೂರು – ಬಟವಾಡಿ ಎಪಿಎಂಸಿ ಗೋದಾಮು

ರೈತರು ಸಂಬಂಧಿಸಿದ ದಾಖಲೆಗಳೊಂದಿಗೆ ಈ ಕೇಂದ್ರಗಳಿಗೆ ಭೇಟಿ ನೀಡಿ ತಮ್ಮ ನೋಂದಣಿಯನ್ನು ಪೂರ್ಣಗೊಳಿಸಬಹುದು.

✅ ಅಧಿಕಾರಿಗಳ ಸಭೆ:

ಈ ಕುರಿತು ಶನಿವಾರ ನಡೆದ ಜಿಲ್ಲಾ ಕಾರ್ಯಪಡೆ ಸಮಿತಿ ಸಭೆಯಲ್ಲಿ ಹೆಚ್ಚುವರಿ ಜಿಲ್ಲಾಧಿಕಾರಿ ಎನ್.ತಿಪ್ಪೇಸ್ವಾಮಿ ಅವರು ನೊಂದಣಿ ಪ್ರಕ್ರಿಯೆ ಸುಗಮಗೊಳಿಸಲು ಅಗತ್ಯ ಕ್ರಮ ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಸೂಚಿಸಿದರು.

ಸಭೆಯಲ್ಲಿ ಆಹಾರ ಇಲಾಖೆ ಜಂಟಿ ನಿರ್ದೇಶಕಿ ಸೌಮ್ಯ, ಕೃಷಿ ಇಲಾಖೆ ಜಂಟಿ ನಿರ್ದೇಶಕ ರಮೇಶ್, ಎಪಿಎಂಸಿ ಉಪನಿರ್ದೇಶಕ ರಾಜಣ್ಣ, ಹಾಗೂ ಕರ್ನಾಟಕ ಆಹಾರ ನಿಗಮದ ಜಿಲ್ಲಾ ವ್ಯವಸ್ಥಾಪಕ ತನ್ವಿ ಉಪಸ್ಥಿತರಿದ್ದರು.

🗒️ ರೈತ ಬಂಧುಗಳೇ, ತಾವು ಬೆಳೆದ ರಾಗಿಗೆ ನ್ಯಾಯಯುತ ಬೆಲೆ ಪಡೆಯಲು ಸಮಯಕ್ಕೆ ಮುಂಚಿತವಾಗಿ ನೋಂದಣಿ ಮಾಡಿಸಿ, ಸರ್ಕಾರದ ಯೋಜನೆಯ ಸದುಪಯೋಗ ಪಡೆದುಕೊಳ್ಳಿ.