ತಾಳಿಕೋಟಿ: ಜ್ಞಾನ ಜ್ಯೋತಿ ಶ್ರೀ ಸಿದ್ದೇಶ್ವರ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಸಂವಿಧಾನ ಪೀಠಿಕೆ ಉತ್ಸವ

ವರದಿಗಾರರು : .ಬಿ. ಎಸ್. ದೇವರಮನಿ || ಸ್ಥಳ : ತಾಳಿಕೋಟಿ
ವರದಿ ದಿನಾಂಕ : 26-11-2025

ತಾಳಿಕೋಟಿ ತಾಲ್ಲೂಕಿನ ಕಲಕೇರಿ ಗ್ರಾಮದ ಜ್ಞಾನ ಜ್ಯೋತಿ ಶ್ರೀ ಸಿದ್ದೇಶ್ವರ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಸಂವಿಧಾನ ಪೀಠಿಕೆ ಕಾರ್ಯಕ್ರಮ ಅದ್ಭುತವಾಗಿ ಆಚರಿಸಲಾಯಿತು. ಶಾಲೆಯ ಮುಖ್ಯ ಗುರುಗಳು ಗಣೇಶ ಮಠ ಮಾತನಾಡಿ, “ಭಾರತದ ಸಂವಿಧಾನವು ದೇಶದ ಅತಿ ಉನ್ನತ ಕಾನೂನು ಮತ್ತು ಜಗತ್ತಿನ ಅತಿ ಉದ್ದವಾದ ಲಿಖಿತ ರಾಷ್ಟ್ರೀಯ ಸಂವಿಧಾನವಾಗಿದೆ. ಇದು ದೇಶದ ಆಡಳಿತ ವ್ಯವಸ್ಥೆಯನ್ನು ನಿರ್ಧರಿಸುತ್ತದೆ, ನಾಗರಿಕರ ಮೂಲಭೂತ ಹಕ್ಕುಗಳು ಮತ್ತು ಕರ್ತವ್ಯಗಳನ್ನು ರೂಪಿಸುತ್ತದೆ ಮತ್ತು ನಮ್ಮ ವೈವಿಧ್ಯಮಯ ಸಮಾಜದ ಅಸಾಮಾನ್ಯತೆಯನ್ನು ಸಹ್ಯವಾಗಿ ನಿರ್ವಹಿಸುತ್ತದೆ” ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ಶರಣಬಸು ಸಜ್ಜನ, ಮುದ್ದು ವಿದ್ಯಾರ್ಥಿಗಳು, ಸಿಬ್ಬಂದಿ ಮತ್ತು ಆಡಳಿತ ಮಂಡಳಿ ಉಪಸ್ಥಿತರಿದ್ದರು. ಅವರು ಸಂವಿಧಾನದ ಮಹತ್ವವನ್ನು, ದೇಶದಲ್ಲಿ ಶಾಂತಿ, ಏಕತೆ ಮತ್ತು ನ್ಯಾಯದ ಸ್ಥಾಪನೆಗೆ ಅದರ ಪಾತ್ರವನ್ನು ವಿವರಿಸಿದರು. ಸ್ವಾತಂತ್ರ್ಯ ಭಾರತಕ್ಕೆ ಸಂವಿಧಾನ ರೂಪಿಸಲು ರಚನಾ ಸಭೆ 1946 ರಲ್ಲಿ ಸ್ಥಾಪಿಸಲ್ಪಟ್ಟಿತು. ಡಾ. ಬಿ. ಆರ್. ಅಂಬೇಡ್ಕರ್ ನೇತೃತ್ವದಲ್ಲಿ ಮೂರು ವರ್ಷಗಳ ಕಾಲ ಶ್ರಮಿಸಿ ಸಂವಿಧಾನವನ್ನು ರೂಪಿಸಲಾಗಿತ್ತು. 1949 ನವೆಂಬರ್ 26 ರಂದು ಸಂವಿಧಾನ ಅಂಗೀಕೃತಗೊಂಡು, 1950 ಜನವರಿ 26 ರಂದು ಜಾರಿಗೆ ಬಂತು. ಈ ಸಂವಿಧಾನವು ಅಮೆರಿಕ, ಬ್ರಿಟನ್ ಮತ್ತು ಐರ್ಲೆಂಡ್‌ ಸಂವಿಧಾನಗಳಿಂದ ಹಾಗೂ ಮಹಾತ್ಮ ಗಾಂಧಿ ತತ್ವಗಳಿಂದ ಪ್ರೇರಿತವಾಗಿದೆ.